توێژینەوەیەک: شەکرە ئێسکی خانمان لاوازدەکات، بەمەش ئەگەری کەوتنیان زیاددەبێت

توێژینەوەکە لە زانکۆی گۆتنبێرگ لە سوێد کرا و دەرکەوت، ئەو خانمانەی تووشی شەکرە بوون کە بەساڵدادەچن؛ پەکیان دەکەوێت، چونکە بەهۆی بەرزیی شەکرەوە زۆرجار ئێسەکانیان دەپووکێتەوە و چڕییان کەمدەبێتەوە، ئەمەش ئەگەری کەوتنیان زیاددەکات.

ماتیا لۆرێنتزۆن، سەرپەرشتیاری توێژینەوەکە دەڵێت: ''زۆرینەی ئەو خانمانەی تووشبووی شەکرە بوون ئێسکی پەلەکانیان لاوازتر بووە بەراورد بە بڕبڕەکانیان''، هەر بۆیە بە پێویستی دەزانێت کە وەرزشی بەهێزبوونی ماسوولکەکان بکەن.

بەگوتەی پسپۆڕان، بەهۆی بەرزبوونەوەی ئاستی شەکری خوێن و هەوکردن، شەکرە هۆکارە بۆ لاوازبوونی کوالێتیی ئێسکەکان .