پسپۆڕێکی پێست: هەڵەیە لیمۆ و پەتاتە بۆ خوێندنەوەی پەنجەمۆر بەکاربێن

د. شاخەوان محەممەد، پسپۆڕی نەخۆشییەکانی پێست و جوانکاری لەبارەی ئەو کەسانەی ئامێرەکانی دەنگدان پەنجەمۆریان ناخوێنێتەوە دەڵێت، هۆکارەکەی دەشێت ئەکزیما و وشکبوونەوەی پێست بێت کە خەتەکانی پێست خراپدەکات.

- نەخۆشیی سەدەف

- زۆربەکارهێنانی دەستەکان لە کاری قورس

- ئارەقکردنەوە

- بەساڵداچوون

هاوکات ئاماژە بەوەشدەکات، نەخۆشیی شەکرە نابێتەهۆی لاوازیی خوێندنەوەی پەنجەمۆر، بەڵام ئەوانەی نەخۆشییەکەیان هەیە وشکبوونەوەی جەستەیان زۆر دەبێت، بەمەش ئەگەری نەخوێندنەوەی پەنجەمۆرەکە زیاددەبێت.

هەر بۆیە رێنوێنیی دەداتە هاونیشتمانییان کە پێش دەنگدان ئاوی زۆر بخۆنەوە و چارەسەری ئەکزیما و سەدەف وەربگرن، هاوکات دەستیان وشکبکەنەوە لە ئارەقکردنەوە.

بە گوتەی ئەو پسپۆڕە، پێویستە تەنیا شێدارکەرەوە بەکاربێت بۆ ئەوەی خەتەکانی پەنجەمۆر باشتردەربکەون و ئامێرەکانیش باشتر بیخوێننەوە.