توێژینەوەیەک: نیگەرانی لە پیربوون، ئەگەری دەرکەوتنی نیشانەکانی پیربوون زیاتر دەکات

توێژینەوەکە لە زانکۆی نیویۆرک لە ئەمریکا لەسەر زیاتر لە 700 ژن کراوە و دەرکەوتووە، ئەوانەی زیاتر دڵەڕاوکێیان بۆ پیربوونیان هەبووە، خێراتر نیشانەکانی پیربوونیان لەسەر دەرکەوتووە ئەمەش بە پشکنین و تاقیکردنەوەی وردی جێنەتیک سەلمێندراوە.

د. مارینا رۆدریگێز، سەرپەرشتیاری توێژینەوەکەیە و دەڵێت: دڵەڕاوکێ و ترس لە نیشانەکانی پیربوون دەکرێت لێکەوتەی دەروونیی لەسەر جەستە هەبێت و ئەنجامەکەشی لەسەر جەستە دەربکەوێت کە زوو نیشانەکانی پیربوون وەکو چرچولۆچی، بێهێزی و سپیبوونی موو دەربکەون.

لە توێژینەوەکەدا دەرکەوت، خانمانی تەمەن مامناوەند زیاتر تووشی ئەو کێشەیە دەبنەوە.

- وەرزشی رۆژانە

- خۆپاراستن لە تیشکی خۆر لە کاتە گەرمەکان

- خەوی رێک

- تەواوکەرە خۆراکییەکانی ڤیتامینەکان بە راوێژی پزیشک

- بەکارهێنانی شێدارکەرەوە و دژەخۆر

- کەمکردنەوەی گوشاری دەروونی