پزیشکیان هۆشداری بە نەتەنیاهوو دەدات

مەسعود پزیشکیان راشیگەیاندووە: ئەو هەنگاوە بۆ بەرگری لە بەرژەوەندی ئێران و ئێرانییەکان بوو.

"بنیامین نەتەنیاهوو با بزانێت کە ئێران شەڕخواز نییە، بەڵام لە بەرامبەر هەر هەڕەشەیەک راشکاوانە رادەوەستێت."سەرۆککۆمار ئێران وای گوت.

بەپێی گوتەی مەسعود پزیشکیان: "ئەمە تەنیا بەشێک لە توانا [سەربازییەکان]مانە". هۆشداریی دەداتە ئیسرائیلیش کە لەگەڵ ئێران نەکەونە بەرامبەر یەکدی.

ئێوارەی ئەمڕۆ سێشەممە، 1-10-2024 ئێران بە دەیان مووشەکی بالیستی هێرشی کردە سەر ئیسرائیل. سوپای ئیسرائیلیش دەڵێت، ژمارەی مووشەکەکان 180 دانەبوون و زۆربەیان خراونەتەخوارەوە. 

ئیسرائیل هەڕەشەی وەڵامدانەوەی تووند دەکات و ئەمریکاش باسی لەوە کردووە کە ئاگادارنەکراونەتەوە لە هێرشەکە. 

ئەو مووشەکەی ئێران بۆ هێرشەکە بەکاریهێناوە لە جۆری فەتاح بووە کە ئەمانە بەشێکن لە تایبەتمەندییەکانی: 
 
تایبەتمەندییەکانی مووشەکی فەتاح

- بە دووریی 1400 کیلۆمەتر دەڕوات

- لە کاژێرێکدا 16000 کیلۆمەتر دەبڕێت

 - کڵاوەکەی 3.6 مەترە و کێشی یەک تۆنە

- درێژییەکەی 11.5 مەترە

- توانای بڕینی سیستمی بەرگریی هەیە

- ساڵی 2023 خراوەتە کار