سوپای ئیسرائیل: هێرشی ئێران دەستیپێکرد

ئەفیخای ئەدرەعی، گوتەبێژی سوپای ئیسرائیل لە تۆڕی کۆمەڵایەتی ئێکس نووسی: "هاویشتنی مووشەک لە ئێرانەوە بەرەو خاکی ئیسرائیل تۆمار کراوە".

گوتەبێژەکەی سوپای ئیسرائیل ئاماژەی بەوەش کرد: "سیستەمەکانی بەرگریی ئاسمانی کار بۆ بەرپەرچدانەوەی هەڕەشەکان دەکەن."

سوپای ئیسرائیل هۆشداری بە هاووڵاتیان دا کە خۆیان لە شوێنە گشتییەکان بەدوور بگرن و ئەگەر پێویستی کرد بچنە حەشارگەکان. 

دەنگی ژمارەیەک تەقینەوە لە قودس/ئۆرشەلیمیش بیستران. 

بەرپرسێکی سەربازیی ئیسرائیلیش بە ئاژانسیی فرانس پرێسی راگەیاند، ئێران دەیان مووشەکی بالیستی رەوانەی ئیسرائیل کردووە.