رووداو دیجیتاڵ
کۆمپانیای فلای ئەربیل رایدەگەیێنێت، رۆژانە گەشتی راستەخۆیان بۆ ئەورووپا و ئیستەنبووڵ بەردەوامە. ئاماژەبەوەش دەکەن، هەرکەس تیکیت لەرێگەی "هەژماری من"ـەوە بکڕێت و گەشتەکەی هەڵوەشێتەوە راستەخۆ پارەکە دەگەڕێتەوە سەر هەژمارەکەی.
لاوەند مەموندی، بەڕێوەبەری جێبەجێکاری کۆمپانیای فلای ئەربیل، رۆژی شەممە بە تۆڕی میدیایی رووداوی گوت: "گەشتی رۆژانەمان بۆ ئیستەنبووڵ و ئەڵمانیا بەشێوەی راستەوخۆ بەردەوامە".
بە گوێرەی فلای ئەربیل، هەرکەسێک بیەوێ دەتوانێت لە رێگەی ئەپلیکەیشن یان وێبسایتی فلای ئەربیلەوە تیکت ببڕێت و پارەکەی لە رێگەی بانکەکانی بەشدار لە پڕۆژەی "هەژماری من" ـەوە بدات.
بابەتی پەیوەندیدار
کوردستان13/05/2026
هێمن هەورامی: تەنیا 5%ـی رێککەوتنەکەمان لەگەڵ سوودانی جێبەجێ کرا
کوردستان13/05/2026
بارین، ئەو کچەی بە هەڵگرتنی پەرداخێک ئێسکەکانی دەشکێن
لاوەند مەموندی دەڵێت: "ئەوانەی کە تیکت لە رێگەی بانکییەوە دەبڕن، ئەگەر گەشتەکەیان هەڵوەشایەوە، پارەکە دەگەڕێتەوە سەر هەژمارەکەیان".
بەڕێوەبەری جێبەجێکاری کۆمپانیای فلای ئەربیل گوتی: "کۆمپانیاکەمان تاکە هێڵێکە لە عێراق کە گەشتی رۆژانەی هەیە بۆ ئەورووپا، ئەویش بە هاوبەشی لەگەڵ هێڵی ئاسمانیی ئوور".