رووداو دیجیتاڵ
شەپۆلێکی بەهێزی لێزمەباران و هەورەتریشقە زۆربەی پارێزگاکانی باکووری کوردستانی گرتووەتەوە و بەڕێوەبەرایەتیی کەشناسیی تورکیاش هۆشداری دەدات لە دروستبوونی لافاو و زیادبوونی خێرایی با لە چەند ناوچەیەک.
بەگوێرەی دوایین پێشبینییەکانی بەڕێوەبەرایەتیی گشتیی کەشناسیی تورکیا، رۆژی یەکشەممە 3ـی ئایاری 2026، بارانبارین لە تەواوی پارێزگاکانی باکووری کوردستان بەردەوام دەبێت. ئەم شەپۆلە کە لە هەفتەی رابردووەوە دەستیپێکردووە، پێشبینی دەکرێت رۆژی دووشەممەش کاریگەرییەکەی بمێنێتەوە.
کەشناسی ئاماژەی بەوە کردووە کە لە پارێزگاکانی (سێرت، رووها، دیلۆک، ئێلیە، مێردین، ئامەد، سەمسوور و مەرەش) لێزمەبارانی بەهێز و هەورەتریشقە دەبێت.
بابەتی پەیوەندیدار
کوردستان13/05/2026
هێمن هەورامی: تەنیا 5%ـی رێککەوتنەکەمان لەگەڵ سوودانی جێبەجێ کرا
کوردستان13/05/2026
بارین، ئەو کچەی بە هەڵگرتنی پەرداخێک ئێسکەکانی دەشکێن
هاوکات لە پارێزگاکانی دیکەی باکووری کوردستان، بارانبارین بەشێوەی نمەبارانی پچڕپچڕ دەبێت.
بەهۆی بەهێزیی شەپۆلەکەوە، کەشناسی هۆشداری دەدات لە ئەگەری دروستبوونی لافاو، بەتایبەتی لە پارێزگاکانی (رووها، ئامەد، دیلۆک، ئێلیە و سێرت).
جگە لە باران، پێشبینی دەکرێت خێرایی با لەو ناوچانەدا بەشێوەیەکی بەرچاو زیاد بکات و لە نێوان 65 بۆ 80 کیلۆمەتر لە کاژێرێکدا بێت. سەبارەت بە پلەکانی گەرماش، تیکڕای گەرمی لەو پارێزگایانەی شەپۆلەکە دەیانگرێتەوە، لە نێوان 15 بۆ 25 پلەی سیلیزی دەبێت.