رووداو دیجیتاڵ
بڕیارە شەممەی داهاتوو، رێوڕەسمێک بۆ ناونانی فڕۆکەخانەی سلێمانی بەناوی 'فڕۆکەخانەی نێودەوڵەتیی جەلال تاڵەبانی' بەڕێوەبچێت، کە تێیدا سەرکردە باڵاکانی هەرێمی کوردستان و عێراق بانگهێشت دەکرێن.
رۆژی دووشەممە، 4ی ئایاری 2026، د. محەممەد سابیر، سەرۆکی دامەزراوەی مام بە تۆڕی میدیایی رووداو رایگەیاند، "رۆژی 19ـی ئاداری 2026 ناوی فڕۆکەخانەی سلێمانی گۆڕدرا بۆ فڕۆکەخانەی جەلال تاڵەبانی، هەرچەندە بڕیار بوو لەو کاتەدا رێوڕەسمێکی شایستەی بۆ بکرێت، بەڵام بەهۆی دۆخی جەنگی ئەمریکا و ئیسرائیل لەگەڵ ئێران، بە گونجاومان نەزانی گردبوونەوە بکرێت."
سەرۆکی دامەزراوەی مام دەڵێت، دوای ئاساییبوونەوەی دۆخەکە، بڕیاریان داوە کاژێر 04:00ی ئێوارەی رۆژی شەممە، 9ی ئایاری 2026، لەنێو تێرمیناڵی فڕۆکەخانەکە رێوڕەسمەکە رێکبخەن.
لەبارەی میوانە بانگهێشتکراوەکان، د.
بابەتی پەیوەندیدار
کوردستان13/05/2026
هێمن هەورامی: تەنیا 5%ـی رێککەوتنەکەمان لەگەڵ سوودانی جێبەجێ کرا
کوردستان13/05/2026
بارین، ئەو کچەی بە هەڵگرتنی پەرداخێک ئێسکەکانی دەشکێن
محەممەد سابیر گوتی: "بانگهێشتنامە بۆ سەرکردە باڵاکانی کوردستان و بەغدا دەنێرین، لەوانە نێچیرڤان بارزانی سەرۆکی هەرێمی کوردستان، مەسرور بارزانی سەرۆکی حکومەتی هەرێمی کوردستان، بافڵ تاڵەبانی سەرۆکی یەکێتی، قوباد تاڵەبانی جێگری سەرۆکوەزیران، محەممەد شیاع سوودانی سەرۆکوەزیرانی عێراق، لەگەڵ چەندین کەسایەتیی دیکە."
لەو رێوڕەسمەدا کە 200 کەسایەتی تێیدا ئامادە دەبن، بڕیارە چەند گوتارێک پێشکەش بکرێن و فیلمێکی دۆکیۆمێنتاریی پێنج خولەکی لەسەر ژیان، کار و دەستکەوتەکانی جەلال تاڵەبانی نمایش بکرێت.
لە 3-10-2025، محەممەد شیاع سوودانی، سەرۆکوەزیرانی عێراق، بڕیاری دا ناوی فڕۆکەخانەی نێودەوڵەتیی سلێمانی بگۆڕدرێت بۆ ''فڕۆکەخانەی نێودەوڵەتیی جەلال تاڵەبانی.''
فڕۆکەخانەکە، ساڵی 2003 بەردی بناخەی دانرا و دوو ساڵ دواتر کرایەوە.