رووداو دیجیتاڵ
لە سنووری قەزای خەلیلیەی سەر بە پارێزگای رووهای باکووری کوردستان، شەڕ لەنێوان دوو خێزان روویدا و لە ئەنجامدا سێ کەس کوژران.
شەڕەکە دوای نیوەڕۆی ئەمڕۆ هەینی 8ـی ئایاری 2026 لە گوندی کۆناچ روویدا. دوو خێزانەکە خزمی یەکدین و پێشتر لەسەر زەویوزار کێشەیان هەبوو.
ئەندامانی هەردوو خێزانەکە دوای دەمەقاڵێ، کێشەکەیان بۆ شەڕە بۆکس پەرەی سەند و و دواتر بووە شەڕەتەقە.
تیمە تەندروستییەکان دوای پشکنین رایانگەیاند، سێ کەس بەناوەکانی مستەفا قەدە، عوسمان قەدە و وەیسی یەشیلتەپە کوژراون.
بابەتی پەیوەندیدار
کوردستان13/05/2026
هێمن هەورامی: تەنیا 5%ـی رێککەوتنەکەمان لەگەڵ سوودانی جێبەجێ کرا
کوردستان13/05/2026
بارین، ئەو کچەی بە هەڵگرتنی پەرداخێک ئێسکەکانی دەشکێن
تیمەکانی جەندرمە دەستیان بە ئۆپەراسیۆن کردووە بۆ دەستگیرکردنی ئەو تۆمەتبارانەی دوای رووداوەکە لە شوێنەکە هەڵاتوون.
بەگوێرەی ئاماری نافەرمی، پار 3 هەزار و 773 شەڕ لە باکووری کوردستان و تورکیا روویانداوە و لەو شەڕانەدا 2 هەزار و 318 کەس کوژراون و 3 هەزار و 820 کەسیش بریندار بوون؛ 763 لەو شەڕانە لە باکووری کوردستان بوون و 483 کەس کوژراون و هەزار و 63 کەسیش بریندار بوون.